قال الإعلامي أحمد موسى إن الرئيس عبد الفتاح السيسي يضع مصلحة الشعب والدولة في مقدمة أولوياته، مؤكدًا أن دعم الرئيس يجب أن يكون في الأساس دعمًا لمصر.
وأضاف موسى، خلال تقديم برنامج «على مسئوليتي» المذاع على قناة «صدى البلد»، أن «الرئيس السيسي عمل كل خير للناس والبلد ومش عايز حاجة، ودايمًا يقولك مصر ميهمنيش أنا، عايزين تقفوا أقفوا مع مصر مش معايا».
وتابع: «الرئيس السيسي يرى الشعب هو الأساس في كل شيء، وهو لا يحتاج دعمًا من أحد، فدعمنا كلنا لمصر».
واستعرض موسى أحداث يناير 2013، قائلًا إن محمد مرسي كان يحكم وقتها وفرض حظر تجوال في مدن القناة، مضيفًا: «وأهلنا في بورسعيد كانوا بيلعبوا كورة، واللي بيلعب معاهم كانوا أبطال».
وأوضح: «ساعتها كانت الإخوان بتعمل إعلان دستوري لمحمد مرسي إنه يعدم أي حد ويعمل أي حاجة، والمواطن بالنسبة للإخوان مش موجود، هو عنده التنظيم وولاؤه للتنظيم، ومفيش واحد إخواني ليه ولاء لمصر، كل ولائه للتنظيم».
واختتم: «الرئيس السيسي استجاب للشعب المصري في 30 يونيو، ولو 30/6 فشلت كنا كلنا اتدبحنا ودخلنا السجن، التنظيم ملوش دين، وقالوا لو رجعنا مش هتبقى زي اللي كانت، هتبقى مسلحة».