هاجم أحمد بلحاج، لاعب الزمالك السابق وسيراميكا الحالي، النادي الأبيض بشكل قوي، مشيرًا إلى معاناته اليومية خلال فترة لعبه في الفريق.
وفي تصريحات له عبر قناة «أون سبورت»، قال بلحاج: «لما كنت في الزمالك، كنت بصحى كل يوم ألاقي مشكلة جديدة في وشي قبل حتى ما أوصل التمرين، الوضع ماكانش طبيعي»
كما أشار بلحاج إلى انعدام الخصوصية التي كانت تسيطر على الأمور الإدارية داخل الزمالك، موضحًا: «كان ممكن ألاقي عقدي أو عقد زميلي طالع على فيسبوك، والناس بتتكلم عن الفلوس اللي بناخدها، إزاي ده يحصل في نادٍ كبير؟ مفيش احترافية ولا احترام لخصوصية اللاعب»
وأضاف: «الناس كانت بتشوف الأرقام وتبدأ تهاجمنا، من غير ما يعرفوا التفاصيل أو الظروف، وده كان بيعمل ضغط نفسي رهيب»
وعن تجربته الحالية في نادي سيراميكا كليوباترا، أشاد بلحاج بالمناخ الاحترافي والتنظيم داخل الفريق، قائلًا: «في سيراميكا، مستحيل تلاقي مسؤول يطلع في التلفزيون أو على السوشيال ميديا يتكلم عن لاعب، سواء بالسلب أو بالإيجاب، في احترام كبير للعقود والخصوصية»