كشفت الفنانة أسما شريف منير عن الفنان الذي كانت ستختاره لإهداء الدورة التاسعة من مهرجان الجونة السينمائي له، مؤكدة أنه الزعيم عادل إمام.
وقالت أسما شريف منير، في تصريحات لـ القاهرة 24: لو ههدي الدورة التاسعة لمهرجان الجونة لحد هتبقى للفنان الزعيم عادل إمام.
وفي وقت سابق، وجهت أسما شريف منير رسالة للساخرين من نطقها لكلمة قرآن، وذلك بعد ارتدائها الحجاب في الفترة الأخيرة، ومشاركتها الجمهور ببعض النصائح من تجربتها الأخيرة.
ونشرت أسما شريف منير فيديو لها عبر حسابها الشخصي بموقع تبادل الصور والفيديوهات إنستجرام، قائلة: يعني بصوا خلينا نقولها ببساطة، نفس الناس اللي بتقول ما تحكمش علي وخليك متفتح، هم نفسهم ساعات بيتريقوا على حد بس لأنه نطق قرآن صح أو حاول يكون ملتزم شوية، طب ما هو من حق كل واحد يعيش حياته زي ما هو شايف، ومن حق اللي بيحاول يكون قريب من ربنا إنه ما يتحطش في موقف سخرية.
وتابعت: يعني لو بنقول عيش وسيب غيرك يعيش، نطبقها على كل حاجة ما ينفعش تبقى شايف إن تصحيح كلمة إنجليزية غلط حاجة مهمة وبعدين تضحك على حد لأنه قال كلمة دينية صح، في الآخر كلنا بنتعلم من بعض، والاحترام هو الأساس.
وأضافت: خلينا نكون لطاف مع بعض، ونسيب كل حد ياخد رحلته مع ربنا من غير ما نحسسه إنه غريب في النهاية، الدين معاملة وكلمة طيبة مش تريقة ولا حكم على حد.