تحدثت الفنانة منى زكي خلال ندوة تكريمها في مهرجان الجونة السينمائي عن ذكرياتها مع الفنان الراحل أحمد زكي، وكواليس تعاونها معه في أكثر من عمل، أبرزها فيلم اضحك الصورة تطلع حلوة، مشيرة إلى أنها كانت تعتبره بمثابة والدها.
وقالت منى زكي إن أحمد زكي كان يبدو لها في كل مرة تلتقيه فيها شخصًا مختلفًا، مضيفة: «لما اشتغلت معاه أكتر من عمل، كنت في كل مرة بقابله فيها بيبقى شخص مختلف، لما عمل دور أبويا حسيت إنه والدي فعلًا، ولما عملت دور العشيقة كانت نظراته فيها إعجاب وفي حليم كنت بشوف عبد الحليم بجد وهو تعبان».
وأضافت: «ولما قدمت دور حبيبة أحمد زكي في حليم لما كان بيبصلي على إني العشيقة، كنت بحس فعلا إنها نظرات إعجاب ووقتها مكنتش مصدقة نفسي، وهو سبب نجاحي في كل الأعمال اللي قدمتها معاه».
وأشارت منى زكي أيضًا إلى أنها تخرج عن النص في أغلب المناسبات العامة حينما يتطلب منها الأمر إلقاء كلمة، قائلة: «ناس كتير بتضايق مني لأني مبقولش الكلمة المكتوبة في الاسكربت بالظبط، ولكن أنا بحب الكلام يكون طالع من جوايا واللي اتعلمته من الأساتذة بتوعي احترام البلاتوه والمواعيد».