قال المطرب الشعبي محمود الليثي إنه لا يقصد أحدًا بكلام أغانيه، موضحًا أنه درس نهج الراحل أحمد عدوية والزعيم عادل إمام في التعبير عن أماني الإنسان من خلال الأغاني.
وأضاف الليثي، خلال لقائه مع الإعلامية ياسمين عز في برنامجها كلام الناس، أنه لا يوجه رسائل لشخص بعينه من خلال أغانيه، قائلاً: مابقصدش حد بكلامي في الأغاني، أنا درست أحمد عدوية وعادل إمام، الناس كلها جواها سلطان ونفسها تبقى كذا، وأحمد عدوية عملها قبلي ونجح، وعادل إمام في سلام يا صاحبي.
وتابع: كل واحد مولود برزقه، ربنا خلقنا للعبادة والسعي، وأنت مش بتجري عشان تجيب رزقك هو كده كده موجود، فلما الفرح أو المناسبة بتتلغي بسجد شكر لربنا وبحمد ربنا على كل حاجة وبيبقى مش رزقي.
علاقته بعمر كمال
وتحدث محمود الليثي أيضًا عن علاقته بمطرب المهرجانات الشعبية عمر كمال، قائلاً: عمر كمال ده ابني في الشغلانة وأنا اللي اكتشفته وطالع على إيدي، وقولتله أنت في يوم الأيام هتجيلك غنوة هتكسر بيها العالم وجت بنت الجيران، وهو بيحبني كأني أبوه، هو بيحب محمود الليثي كشخصه.