اعتذر ناصر منسي مهاجم الفريق الأول لكرة القدم بنادي الزمالك لجماهير القلعة البيضاء، بعد واقعة إلقاء قميص النادي، مؤكدًا تقبله أي عقوبة وتقديره لدعم الجماهير المستمر له.
وكتب منسي عبر حسابه: جمهور الزمالك العظيم، بيتي وأهلي وسندي بعد ربنا، أنا بكتب الكلام ده وأنا حاسس إني لازم أعتذر لكل زملكاوي زعل مني.
وأضاف أن سبب رمي التيشيرت كان تصرفًا خاطئًا، موضحًا: وأنا بعتذر عنه بكل صدق، ومهما كان الضغط أو الانفعال اللي كنت بمر بيه، ده مش مبرر للتصرف ده، وأنا متقبل أي عقوبة.
وتابع: نادي الزمالك وجمهوره ليهم فضل كبير عليّ بعد ربنا، وعمري ما أنكر فضل المكان اللي اداني الثقة والفرصة، ولا أنسى حب الجمهور اللي دايمًا كان سند ليا.
وأكمل: أنا واحد منكم، والزمالك بالنسبالي مش مجرد نادي، الزمالك بيت وعيلة وانتماء، وناصر منسي عمره ما ينسى فضل الزمالك وجمهوره عليه.
واختتم: حقكم عليّا، وبعتذر لكل زملكاوي زعل مني، وإن شاء الله أرد الاعتذار ده في الملعب بأدائي واجتهادي، وأفضل عند حسن ظنكم بيا.