كشفت الفنانة سلمى أبو ضيف عن معايير اختيارها للأدوار، مؤكدة أن السيناريو يأتي في مقدمة هذه المعايير، إلى جانب مدى استمتاعها بالقصة وتعلقها بالشخصية، وأنها لا تستطيع الحكم على الشخصية قبل فهم دوافعها.
وقالت سلمى أبو ضيف خلال ندوة بمهرجان الجونة السينمائي: أهم حاجة السيناريو، ولما بقرأ وأحس إني استمتعت بالقصة وارتبطت بيها، وأحس إني عايزة بكرة أبقى الشخصية دي يبقى ده اللي أنا عايزاه، كمان وجود المخرج وأن إزاي هيخلق الشخصية دي مهم.
وأضافت: كل شخصية ليها دوافعها اللي بتحرك من حتة ما، ولما بقرأها بلاقيها بتعمل حاجة أنا مش فهماها بقعد مع المخرج وبنتكلم وبحاول أفهم، لأن كل شخصية بتتحرك بشكل ما، فمينفعش أحكم على الشخصية وأقول دي مش كويسة، لازم أفهم كويس دي ليه بتعمل كده، والمخرج بيقولي متحكميش على الشخصية ولكني مش بحكم أنا بسأل.
وعلى جانب آخر، عُرض مؤخرًا للفنانة سلمى أبو ضيف مسلسل بنج كلي، ويشارك فيه عدد من الفنانين منهم سلوى محمد علي، دياب، علا رشدي، كمال أبو رية، ياسمين رحمي، محمد مهران، أيمن عزب، ضياء الخالق، حنين سعيد، محسن محيي الدين، ولبنى ونس، والمسلسل من تأليف محمد سليمان عبد المالك وإخراج نادين خان.