بعد إشادتها.. غادة عبد الرازق ردا على منى زكي: نجمة عظيمة وسندريلا الفن المصري والعربي
أعربت الفنانة غادة عبد الرازق، عن امتنانها الكبير لـ الفنانة منى زكي، بعدما أشادت الأخيرة بها وأثنت على أدائها المتفرد، موضحة أن منى نجمة كبيرة وتعتبرها سندريلا الفن المصري والعربي.
وكتبت غادة عبد الرازق، عبر ستوري إنستجرام ردًا على إشادة منى زكي بها: ليا الشرف أني أسمع الكلام الجميل ده من نجمة جميلة وعظيمة زيك، شكرًا يا منى على قلبك الجميل وإحساسك الراقي بس ده مش غريب عليكي، هي دي منى زكي، هي دي سندريلا الفن المصري والعربي.. بحبك.
منى زكي: غادة عبد الرازق نجمة متفردة والناس بتستناها مهما تغيب
ومن ناحية أخرى، كانت تحدثت الفنانة منى زكي، خلال لقائها مع الإعلامية لميس الحديدي، عن الفنانة غادة عبد الرازق، قائلة: أكيد عندي خوف من الفشل، بس هو مين مفشلش قبل كده؟، بس دي الدنيا لازم تبقي خايفة علشان تحافظي على اللي عملتيه ورغم الفشل بيبقى ليك مكانة في قلب الناس، وبيحضرني نجمة كبيرة وهي مش فاشلة خالص ولكن غادة عبد الرازق شوفي بتغيب قد إيه والناس بتستناها في أي لحظة، لأن أي عمل هي عملته قبل كده علم كويس أوي في الناس.
وأضافت منى زكي: قصدت أتكلم عنها لأنها لازم تعرف قيمتها ولازم تفهم أن الناس مستنياها، هي أستاذة كبيرة وفنانة قوية ومتفردة في اللي بتعمله غير أي حد وبتعمله بقوة وثبات غير عادي.