دافع البلوجر محمد شاكر، الشهير إعلاميًا باسم شاكر محظور دلوقتي، عن نفسه عبر مقطع فيديو نشره على فيسبوك، بعد الانتقادات الأخيرة التي طالت مشاهدات اللايف الأخير.
وقال شاكر: كل الناس بتتكلم على اللايف وكان بيتفرج عليا 500 ألف متابع في نفس التوقيت، مصر كلها شافت اللايف، أنا ابن بلدك وعيب تنشروا عني غير الحقيقة، وفي ناس مصممة تطلعني بصورة وحشة.
وأضاف: ناس كتيرة كانت فرحانة وبتقولي حمدلله على السلامة، والحمد لله القبول بين الناس من عند ربنا، وفي فئة صغيرة معترضة على حب الناس ليا، واتكلموا عني بعكس الحقيقة.
وتابع: طبيعي أكسب من اللايف ستريم، وظهرت بشكل محترم بدون ألفاظ، وبحاول أظهر بصورة أحسن والهجوم مش طبيعي، وطالب من الناس يدعموني ويظهروني بصورة حقيقية، هطور من نفسي وهظهر بأحسن صورة، وكل البلد بتابعني ودي مسئولية كبيرة.