وجّه الإعلامي أحمد شوبير رسالة إلى إمام عاشور لاعب الفريق الأول لكرة القدم بالنادي الأهلي، وذلك عقب استبعاده للمباراة الثالثة تواليًا من قائمة الأحمر.
أحمد شوبير يوضح موقف إمام عاشور
وفي تصريحات عبر برنامج الناظر، قال أحمد شوبير: إمام عاشور زعلان وحاسس إن فيه حملة عنيفة عليه وإنه متداس عليه، ولما سألت مصدر مقرب أبلغني أن اللاعب يعاني من مشكلة في العضلة الضامة وبيلعب بحقن مُسكّنة وحصل له تليف في العضلة الضامة وبتأثر على مجهوده ومبيقدرش يسدد ويجري لكن أنا بشكل شخصي شايف إنه مكسل.
وأضاف: أنا مقتنع إنك مصاب لأني سألت حد من الجهاز الطبي وقال بالفعل عنده إصابة، لكن إمام بيقدر يستحمل وهي جاتله من عند ربنا الراحة أو الاستبعاد، وما علمته إن إمام بقاله 3 أيام أحسن لاعب في التدريبات، أحسن واحد بمعنى أحسن واحد.
رسالة أحمد شوبير لـ إمام عاشور
وأتم شوبير تصريحاته: يا إمام، اللي في الكورة قليل مش كتير، هتلعب 10 سنين كمان؟ قليلين، انت عقدك 5 سنين استغل شهرة وشعبية الأهلي وإمكانياتك لمصلحة النادي ومنتخب مصر، خلي الكورة رقم 1 في حياتك كل الحاجات التانية موجودة بعد ما تبطل كرة هيبقا قدامك 30 سنة تعمل فيهم كل حاجة مش وحشة.