كشف الإعلامي شريف مدكور عن تفاصيل من حياته الشخصية، من بينها تأثير إصابته بالأورام على نظرته للحياة، وكواليس حبه للرقص وتأسيسه فرقة استعراضية.
مرض شريف مدكور
وقال شريف خلال لقائه مع الفنانة إسعاد يونس في برنامج صاحبة السعادة عن مرضه: بقول الحمد لله إن جالي كانسر أولا شوفت حب الناس ونظرتي للحياة اختلفت للأحسن مش للأوحش وديمًا بقولها لأي حد مريض بالمرض ده، خلي المرض يحسن حياتك للأحسن.
وأضاف أن أصدقاءه كانوا بجواره خلال فترة مرضه، موضحًا أن الاستايلست دينا نصير كانت تكتب ما يقوله، ثم كانت تحكيه له بعد أن يستعيد وعيه، وبعد ذلك نفذ ما قاله في كليب أغنية.
علاقة شريف مدكور بالرقص
أما عن علاقته بالرقص، فأشار إلى أنه يعتبره بمثابة علاج لحالته النفسية، مضيفًا: الرقص بالنسبة لي حاجة مهمة في حياتي وبالنسبة لي علاج ولما بتعصب وبفرح وبغضب وبعيا برقص فهو بيطلع طاقة سلبية وبيخليني في مود حلو وقولت عايز الناس ترقص معايا وانا بعمل مسرح شريف فكرة جديدة ونفسي ارجع المسرح الاستعراضي رغم إني مش مطرب أنا مؤدي على قدي بسبب أيمن المنيري والشو اللي بعمله جالي أثناء فترة مرضي وفترة الهلوسة فترة البنج 48 ساعة.
وأردف: أنا عندي 54 سنة ولا أؤمن بحاجة اسمها سن المعاش وعايز أجدد وأوري الناس إن إحنا نقدر نعمل أي حاجة إحنا بنحبها وابتديت أكون فرقة واغني على قدي وابتديت أرقص وأكون فرقة راقصة وكلهم من إسكندرية واختارتهم من مراكز الشباب التابعة لوزارة الشباب والرياضة وكلهم شباب متعلمين ومثقفين وفاهمني.