كشفت النجمة إليسا كواليس تحضير ألبومها الجديد، المقرر طرحه بعد غد، وقالت إنه سيضم عددا كبيرا من الأغاني، إلى جانب أغنية خليجية تعد التجربة الأولى من نوعها في مشوارها الفني.
وقالت إليسا في فيديو على حسابها على إنستجرام: أنا مش من عادتي أطلع أحكي قبل ما أنزل ألبوم، بس المرة دي فيه حاجات كتير لازم أقولها، فيه كتير أشياء منها إن الألبوم خد وقت كتير، ويمكن أكتر بكتير من اللي كنت أنا متوقعاه، ومريت بفترة وبظروف صعبة، وتحديات وقضايا زي ما كل الناس عارفه.
وأضافت: كنت عارفة إن الطريق اللي اختارته صعب وهيكلفني وقت وجهد، ويمكن يأخرني كتير وده اللي حصل، بس كنت مآمنة باللي بعمله، وإنه بعد كل عتمة في ضوء أكيد، والنهاردة بعد كل المشوار أقدر أقول إني وصلت للمكان اللي عايزاه واللي حلمت بيه.
واستكملت: اليوم أقدر أقول إني بقيت حرة، وأقدر أقول إني بقدم لجمهوري ألبوم حر بمعنى الكلمة، وهو من إنتاجي طبعا، بالطريقة اللي أنا شايفاها صح ومقتنعة بيها، والتجربة دي خلتني أفكر أكتر، مش بس بالألبوم، بالمرحلة اللي إحنا عايشينها اليوم.
واختتمت: الحرية كمان إني مخليش التريندات والأرقام والسباق على المراكز يقرروا أنا هكون فين؛ لأن الموسيقى في الأساس مش سباق مع حد، كانت دايما طريقة أعبر فيها عن حالي وعن إحساسي، وأوصل من خلالها للناس.