“مجبتش سيرة الكشري”.. أول تعليق من يسرا اللوزي بعد أزمة تصريحاتها عن الطعام المصري والسوري.
علقت الفنانة يسرا اللوزي على الجدل المثار حول تصريحاتها الأخيرة بشأن الطعام، والتي ربطها البعض بالمقارنة بين المطبخ المصري والسوري، مؤكدة أن حديثها جرى تفسيره بشكل خاطئ.
أول تعليق من يسرا اللوزي بعد أزمة تصريحاتها عن الطعام المصري والسوري
وقالت يسرا في تعليقا لها عبر فيس بوك: أنا مجبتش سيرة الكشري خالص، أنا كنت هقول كيس “شيبسي” اللي أحيانًا كتير إحنا كمصريين بنسكت بيه جوعنا، وأنا شخصيًا بعمل كده ساعات عادي، وبعدين قررت ما أقولش اسم براند بعينه، فما حددتش كيس إيه الاجتهادات الذاتية دي غير مرحب بيها.

وأردفت يسرا اللوزي: ثم إني لم أقارن بين المطبخ المصري والمطبخ السوري أصلًا، أنا اتكلمت عن سمة أو صفة موجودة في شخصيتي في الفيلم اللي بتشتغل food blogger، ووصفت الشخصية على إنها نمكية في الأكل وإني أنا كمان “للأسف” “صعبة” شوية في النقطة دي زي الشخصية، حيث إن السادة الصحفيين كانوا بيسألوا عن أوجه التشابه بيني وبين شخصية “مها” اللى بلعبها في فيلم “برلين”، ولكن هل أنا اتكلمت عن الفرق بين المطبخين؟ لأ لأني في الواقع بحب الاتنين زي بعض بالضبط.
وأضافت يسرا اللوزي: اللي حابب يعمل بحث ويدور على لقاءات سابقة على مر السنين هيلاقي دايما إن كل ما سألوني عن أكلاتي المفضلة، الإجابة بتكون كشري أو ملوخية أو محشي كرنب، فكون إن حد يقرر يفسر الكلام من غير ما يعرف السياق اللي اتسأل فيه السؤال، ومش عارف السؤال أصلًا وياخد الإجابة لوحدها ويضيف عليها تفسيره غير الصحيح، دي حاجة غير مقبولة الحقيقة.
